उपकर लघुवित्तले सेयरधनीलाई ६५ प्रतिशत लाभांश दिने
शुक्रबार बसेको उपकर लघुवित्त वित्तीय संस्था संचालक समितिको बैठकले आफ्ना सेयरधनीलाई ६५ प्रतिशत लाभांश दिने भएको छ। बैठकले २०७८/७९ को मुनाफाबाट ६१.७५ प्रतिशत बोनस सेयर र बोनसमा लाग्ने करसहित ३.२५ प्रतिशत नगद लाभांश दिने निर्णय गरेको हो।
संस्थाले हाल कायम चुक्ता पूँजी ६ करोड ५६ लाख २५ हजार रुपैयाँको ६१.७५ प्रतिशतले हुन आउने ४ करोड २३ लाख ५ हजार २ सय रुपैयाँबराबरको बोनस सेयर र ३.२५ प्रतिशतले हुन आउने २१ लाख ३२ हजार ८ सय रुपैयाँबराबरको नगद लाभांश बितरण गर्ने भएको छ।
प्रस्तावित लाभांश नियामक निकाय नेपाल राष्ट्र बैंकबाट स्वीकृत भइ कम्पनीको आगामी वार्षिक साधारण सभाले अनुमोदन गरेपछि सेयरधनीहरुलाई वितरण हुने संस्थाले जनाएको छ ।
