एसियन लाइफ इन्स्योरेन्सले लाभांश वितरण गर्ने
एसियन लाइफ इन्स्योरेन्स कम्पनीको बसेको सञ्चालक समितिको बैठकले आर्थिक वर्ष २०७८/७९ को मुनाफाबाट आफ्ना सेयरधनीलाई ८.५ प्रतिशत बोनस सेयर दिने भएको छ। बैठकले बोनसमा लाग्ने कर तिर्नको लागि ०.४४७ प्रतिशत नगद लाभांश पनि दिने भएको छ।
कम्पनीले हाल कायम चुक्ता पूँजी २ अर्ब ९० करोड ८१ लाख ११ हजार ७५ रुपैयाँको ८.५ प्रतिशतले हुन आउने २४ करोड ७१ लाख ८९ हजार ४४२ रुपैयाँबराबरको बोनस सेयर र कर प्रयोजनार्थ ०.४४७ प्रतिशतले हुन आउने १ करोड ३० लाख ९ हजार ९७० रुपैयाँबराबरको नगद लाभांश वितरण गर्ने भएका छन्।
कम्पनीका अनुसार प्रस्तावित लाभांश नेपाल बीमा प्राधिकरणको स्वीकृतिपछि आगामी वार्षिक साधारणसभाबाट पारित भएपछि सेयरधनीहरुलाई वितरण गर्ने छ।
