जानकी फाइनान्स कम्पनीको संस्थापक सेयर बिक्रीमा
जानकी फाइनान्स कम्पनी लिमिटेडको संस्थापक सेयर बिक्री खुला भएको छ। कम्पनीले संस्थापक सेयरधनी अशोककुमार जालानको नाममा रहेको ७५ हजार कित्ता र अशोककुमार साहको नाममा रहेको ५८ हजार कित्ता गरी कुल १ लाख ३३ हजार कित्ता सेयर बिक्रीमा ल्याएको हो।
यस सेयरमा विद्यमान संस्थापक सेयरधनीहरुमात्रै आवेदन दिन पाउनेछन्। संस्थापक सेयरधनीहरुले ३५ दिनभित्र आफूले लिन चाहेको सेयर संख्या र मूल्य खुलाई संस्थाको कम्पनी सचिव कार्यालयमा खरिद आवेदन दिनुपर्नेछ।
तोकिएको समयभित्र संस्थापक सेयरधनीहरुबाट खरिद आवेदन नपरेको खण्डमा प्रचलित कानुनबमोजिम अन्य व्यक्ति तथा संस्थाका लागि बिक्री खुला गरिने संस्थाले जनाएको छ।