स्वावलम्बन लघुवित्त वित्तिय संस्थाले १३ प्रतिशत लाभांश दिने
काठमाडौं । स्वावलम्बन लघुवित्त वित्तिय संस्थाको लाभांश दर घटेको छ। लघुवित्तले गत आर्थिक वर्षको नाफाबाट १३ प्रतिशत लभांश दिने घोषणा गरेको हो। अघिल्लो २१.०५ प्रतिशत लाभांश दिइएको थियो।
प्रस्तावित लाभांश मध्ये १२.३५ प्रतिशत बोनस दिने संचालक समितिले निर्णय गरेको छ। बाँकी कर प्रयोजनका लागि ०.६५ प्रतिशत नगद दिइँदैछ।
लाभांश चुक्ता पुँजीमा प्रस्ताव गरिएको छ। हाल लघुवित्तको चुक्ता पुँजी एक अर्ब २९ करोड रुपैयाँ छ। जुन बोनस वितरण पछि १५ करोड ९५ लाख रुपैयाँले बढ्नेछ।लाभांश राष्ट्र बैंक र साधारण सभाले पारित गरेपछि सेयरधनीले पाउनेछन्।
