काठमाडौ, २८ असार । संघीयताको कार्यान्वय सबैको दायित्व भएको संघीय मामिला तथा समान्य प्रशासनमन्त्री अमनलाल मोदीले बताएका छन् । आजको राष्ट्रिय सभा बैठकमा सांसदहरुले उठाएका प्रश्नको जवाफ दिने क्रममा उनले संघीयता कार्यान्वयनको सवालमा धेरै नै आरोप प्रत्यारोप हुने गरेको भन्दै असन्तुष्टि जनाएका छन् ।

उनले भने, ‘संघीयता अभ्यासको शिलशीलामा हामी एक अर्कालाई धेरै नै शंका, गाली गलौच गर्ने काम गरिरहेका छौ । यो प्रश्नको जवाफ मैले मात्र दिएर हुन्छ ? त्यसमा त सबै राजनीतिक दल सम्बन्धित निकाय सबैको साझा मुद्दा हो । एउटा मात्र मन्त्रालयको कुरा होईन ।

उनले ’१ लाख ३७ हजार कर्मचारीलाई समायोजन गरेर संघमा ५३ हजार राखेर बाँकी सबै समायोजन गरिएको भन्दै अझै पनि पहाडि र दुर्गम क्षेत्रमा कर्मचारी अभाव रहेको जिकिर गरेका छन् । उले सुगम ठाउँमा भने अनावश्यक रुपमा करारमा समेत कर्मचारी थोपर्ने काम भएको उल्लेख गरेका छन् ।