२०८० फाल्गुन ८ - Tue Feb, 2024 -

Biz Suchana

२०८० फाल्गुन ८
Tue Feb, 2024

यो साता ५ प्रतिशत बढ्यो सेयर बजार, १८ अर्ब बढीको कारोबार

काठमाडौं , २ असार । यो साता नेपाल स्टक एक्सचेन्ज (नेप्से) मा हरियाली देखिएको छ । जेठ २२ गते अन्तिम पटक घटेको नेप्से परिसूचक त्यसयता निरन्तर बढिरहेको छ । लगातार आठौँ दिनसम्म बढ्दा परिसूचकमा यो साता मात्रै ५ प्रतिशतभन्दा बढीको वृद्धि देखिएको हो । गत साताको अन्तिम कारोबार दिन परिसूचक १९।३९ अङ्कमा कायम थियो । जबकि, यो साताको अन्तिम कारोबार अर्थात बिहीबारसम्मको अवधिमा १०२ अङ्कले बढ्दै २०४२ अङ्कमा पुगेर रोकिएको छ । यो एक सातामा आएको ५।२८ प्रतिशतको वृद्धि हो ।

लगातार ८ दिनदेखि बढिरहेको नेप्से परिसूचक यो साताको ५ दिन नै बढेर बन्द भयो । यो सातामा १८ अर्ब ६५ करोड रुपैयाँभन्दा धेरैको सेयर कारोबार भएको छ । जबकि, गतसाता १० अर्ब ३० करोड रुपैयाँको कारोबार भएको थियो । यो साता एकै दिन ५ अर्ब रुपैयाँ बराबरको समेत कारोबार भएको छ । यससँगै, नेप्सेको बजार पुँजीकरण २९ खर्ब ८६ अर्ब रुपैयाँ पुगेको छ । यो साता निरन्तर परिसूचक बढ्दा डेढ खर्बले नेप्सेको बजार पुँजीकरण बढेको हो । गत साता नेप्सेको बजार पुँजीकरण २८ खर्ब ३४ अर्ब रुपैयाँ थियो ।

परिसूचक १०२ अङ्कले बढ्दा नेप्सेमा कारोबार भएका सबै १३ वटै समूहमा वृद्धि आएको छ । यसमध्ये पर्यटन क्षेत्रमा फर्किएको लय देखेर लगानीकर्ता होटेल समूहमा झुम्मिएका छन् । यो साता होटेल समूह १५ प्रतिशतले बढ्यो । यस्तै, यो साता जीवन र निर्जीवन बीमा समूहमा समेत उत्कृष्ट वृद्धि देखिएको छ ।

समाचार
Company Information
Contact Information

Biz Suchana
Shree Tole, Basundhara, Kathmandu

9851099762
info@bizsuchana.com
www.bizsuchana.com