काठमाडौं । एनआईसी एसिया क्यापिटलले म्युचुअल फन्ड योजनामा हालसम्म ३९ हजार ८३ जनाको आवेदन परेको छ। ‘एनआईसी एसिया ग्रोथ फन्ड २’ मा ५७ करोड ७९ लाख २८ हजार ३ सय रुपैयाँबराबरको ५ करोड ७७ लाख ९२ हजार ८ सय ३० इकाइ माग भएको हो।म्युचुअल फन्डको एक अर्ब रुपैयाँबराबरको १० करोड इकाइ निष्कासन भएकामा ८ अर्ब ५० करोडका लागि सर्वसाधारणले आवेदन दिन पाउनेछन्।

क्यापिटलले १ अर्ब रुपैयाँ बराबरको १० करोड इकाई बिक्रीमा ल्याएको छ। सो इकाईमध्ये कुल बिक्री भएको इकाईसंख्याको १५ प्रतिशत वा १ करोड ५० लाख इकाई कोष प्रवर्धक एनआईसी एसिया बैंकलाई छुट्याइएको छ। बाँकी रहेको ८ करोड ५० लाख इकाई सामूहिक लगानी कोष योजना सर्वसाधारणमा बिक्रीका लागि राखिएको छ।

सो योजनामा प्रति इकाई १० रुपैयाँका दरले न्यूनतम १०० इकाईका लागि आवेदन दिनु पर्नेछ भने अधिकतममा १ करोड इकाईसम्म आवेदन पाइने छ। यो बन्दमुखी योजनामा मंसिर ७ गतेसम्म पर्याप्त आवेदन नपरेका कारण आवेदन अवधि मंसिर १८ गतेसम्म लम्ब्याइएको छ।