सुन तस्करी प्रकरणः सरकारको जवाफ माग्ने एमालेको निर्णय
काठमाडौं, १० साउन । सुन तस्करी प्रकरणमा सरकारसँग जवाफ माग्ने प्रमुख प्रतिपक्षी दल नेकपा एमालेले निर्णय गरेको छ । आज बसेको एमाले संसदीय दलको बैठकले सुन तस्करी प्रकरणबारे सरकारको जवाफ माग्ने निर्णय गरेको हो ।
गृहमन्त्रीको संलग्नताबिना ठूलो परिमाणको सुन ल्याउन सम्भव नभएको निष्कर्ष निकालेको बैठकले सुन प्रकरणबारे संसदीय वा न्यायिक छानबिन समिति गठन गर्नुपर्ने निर्णय गरेको छ । अघिल्लो बुधबार १०० किलो सुन बरामद भएपछि एमालेले सो प्रकरणमा सरकारको संरक्षणविना आयात गर्न नसकिने भन्दै जवाफ माग्ने निर्णय गरेको हो ।
