अर्थ समितिको बैठक बस्दै, मौद्रिक नीतिको आगामी कार्यदिशामा छलफल हुँने
काठमाडौँ, २७ असार । आज बिहान ११ बजे अर्थ समितिको बैठक बस्दैछ । संघीय संसद सचिवालयमा आज बस्ने अर्थ समितिको बैठकमा राष्ट्र बैंकका गभर्नर र अर्थ मन्त्रालयका पदाधिकारीसँग मौद्रिक नीतिबारे छलफल गर्ने तयारी गरिएको छ ।
बैठकमा आगामी मौद्रिक नीतिको कार्यदिशा, लक्ष्य र उद्देश्य, आगामी वर्षका वित्तीय र मौद्रिक प्रोत्साहन,मौद्रिक नीतिका उपकरणहरु र तिनीहरुको प्रवृत्ति लगायतका अन्य विविध विषयमा नेपाल राष्ट्र बैंकका गभर्नर महाप्रसाद अधिकारी र अर्थमन्त्री डाक्टर प्रकाशशरण महत लगायतसंग विषयगत छलफल हुने बताइएको छ । त्यस्तै, आजै उद्योग तथा वाणिज्य र श्रम तथा उपभोक्ता हित समितिको बैठक पनि बस्दै छ । दिउँसो १ बजे समितिको समितिको सभाकक्ष सिंहदरबारमा बैठक बस्ने संसद सचिवालयले जनाएको छ ।
