सरकारले तत्काल सहकारीको समस्या सम्बोधन गर्नुपर्छ : रवि लामिछाने
काठमाडौ, २५ जेठ । सरकारले तत्काल सहकारीको समस्या सम्बोधन गर्नुपर्ने राष्ट्रिय स्वतन्त्र पार्टी (रास्वपा) का सभापतिका रवि लामिछानेले बताएका छन् । आज आर्थिक वर्ष २०८०–८१ को विनियोजित बजेटमाथिको छलफलमा बोल्दै लामिछानेले सहकारीको समस्याका कारण हजारौँ नागरिकको बिल्लिबाठ भएको भन्दै समस्या समाधानमा सरकार तत्काल लाग्नुपर्ने बताएका हुन् । अन्यथा केही दिनभित्रै लाखौं जनता सडकमा आउने स्थिति बन्ने उनले बताएका छन् ।
सांसद लामिछानेले सोही अवसरमा सरकारको कर नीति व्यवहारिक र आम नागरिकमैत्री नभएको भन्दै परिमार्जन गर्नुपर्ने बताएका छन् । उनले ९० वटा कर शीर्षकमा ६८ वटालाई समान २४ प्रतिशतले वृद्धि गरिनु र राजस्व सहजै उठ्छ भन्ठान्नु सरकारको गल्ती भएको उल्लेख गरेका छन् ।
