ग्लोबल आईएमई ब्यालेन्स फण्ड १ ले प्रतिफल वितरण गर्ने
काठमाडौ, १६ असोज ।ग्लोबल आईएमई ब्यालेन्स फण्ड १ ले इकाइधनीलाई ५ प्रतिशत प्रतिफल वितरण गर्ने भएको छ । प्रस्तावित प्रतिफल वितरणका लागि इकाइधनी दर्ता किता बन्द हुने सूचना भने पछि प्रकाशित हुने ग्लोबल आईएमई क्यापिटलले जनाएको छ ।
योजना व्यवस्थापक ग्लोबल आईएमई क्यापिटलको १५ असोजमा बसेको सञ्चालक समितिको बैठकले आर्थिक वर्ष २०७९–८० को मुनाफाबाट लाभांशमा लाग्ने करसहित उक्त प्रतिफल वितरण गर्ने प्रस्ताव गरेको हो ।