नेपाल पुनर्बीमा कम्पनीले लाभांश वितरण गर्ने
नेपाल पुनर्बीमा कम्पनीले आफ्नो सेयरधनीहरुलाई लाभांश दिने घोषणा गरेको छ। आज (आइतबार) बिहान बसेको सञ्चालक समितिको बैठकले आर्थिक वर्ष २०७८/७९को मुनाफाबाट ४.७५ प्रतिशत बोनस सेयर दिन निर्णय गरेको हो।
साथै बोनस सेयरमा लाग्ने कर तिनको लागि ०.२५ प्रतिशत नगद लाभांश पनि दिने भएका छन्। प्रस्तावित लाभांश नेपाल सरकार र नियामक निकाय नेपाल बीमा प्राधिकरणबाट स्वीकृत भएपछि आगामी वार्षिक साधारणसभाबाट अनुमोदन गरी सेयरधनीहरुलाई वितरण गरिने कम्पनीले जनाएको छ।
हाल कम्पनीको चुक्तापुँजी १२ अर्ब २३ करोड २५ लाख रुपैयाँ रहेको छ।
