सानिमा बैंक र सिवाईसी नेपाल लघुवित्त नेप्सेमा सूचिकृत
नेपाल स्टक एक्सचेन्ज (नेप्से)मा दुई कम्पनीको सेयर सूचिकृत भएको छ। सानिमा बैंक र सिवाईसी नेपाल लघुवित्त वित्तीय संस्थाको १ करोड १६ लाख ९२ हजार ३०२.८४ कित्ता सेयर सूचिकृत भएको हो।
सानिमा बैंकको १ करोड १३ लाख २७ हजार ३७७.३३ कित्ता बोनस सेयर नेप्से सूचीकृत भएको छ। यो बैंकले आर्थिक वर्ष २०७८/७९ को मुनाफाबाट १० प्रतिशत बोनस सेयर वितरण गरेको थियो।
यसैगरी सिवाईसी नेपा लघुवित्तको ३ लाख ६४ हजार ९२५.५१ कित्ता बोनस सेयर सूचीकृत भएको छ। यो लघुवित्तले आर्थिक वर्ष २०७८/७९ को मुनाफाबाट ३० प्रतिशत बोनस सेयर वितरण गरेको थियो।
