फेरी बढ्यो सुनको मूल्य, तोलाको कति?
नेपाल सुनचाँदी व्यवसायी महासंघले आज(मंगलबार)का लागि सुनचाँदीको मूल्य सार्वजनिक गरेको छ। सार्वजनिक मूल्य अनुसार आज छापावाला सुन आज ५ सयले बढेर १ लाख ९ हजार ८ सय रुपैयाँमा कारोबार भईरहेको छ।
त्यस्तै, महासंघका अनुसार तेजावी सुनको मूल्य तोलाको १ लाख ९ हजार ३ सय रुपैयाँ र चाँदीको मूल्य प्रति तोला १० रुपैयाँले बढेर १ हजार ३ सय ४० रुपैयाँ कायम भएको छ।
महासङ्घले अन्तराष्ट्रिय बजारमा हुने सुन तथा चाँदीको मूल्यका आधारमा दैनिक यहाँ कारोबार मूल्य तोक्दैआएको छ।
