बिपिडब्लु लघुवित्त वित्तीय संस्थाको आईपीओ भोलि(शुक्रबार) बाँडफाँड हुने भएको छ । लघुवित्तको सेयर निष्काशन तथा बिक्री प्रबन्धक मेगा क्यापिटल मार्केट्सले शुक्रबार बिहान ११ बजे आइपिओ बाँडफाँड हुने जनाएको हो।

लघुवित्तको उक्त आइपिओमा १५ लाख ३३ हजार आवेदकले कुल १ करोड ६७ लाख ६५ हजार बढी कित्ताको लागि आवेदन परेकोमा ८ हजार ९५ जनाले मात्र सेयर पाउँने छन् भने बाँकी १५ लाखको भने हात खाली हुनेछ। यस आइपिओमा माग भन्दा बढी आवेदन परेको हुनाले गोलाप्रथामार्फत बाँडफाँट हुनेछ । जसमा

लघुवित्तले गत फागुन १८ गतेदेखि फागुन २३ गतेसम्म जारी पुँजी ३ करोड रुपैयाँको ३२.३३ प्रतिशतले हुन आउने ९७ हजार कित्ता आईपीओ बिक्री गरेको थियो। जसमा १० प्रतिशलते हुन आउने ९ हजार ७ कित्ता सेयर वैदेशिक रोजगारीमा रहेका नेपालीहरुलाई बिक्री गरिसकिएको थियो।

बाँकी आईपीओमध्ये १ हजार ५०० कित्ता सेयर कर्मचारीलाई र ४ हजार ८५० कित्ता सामूहिक लगानी कोषका लागि छुट्याइएको थियो। बाँकी ८० हजार ९५० कित्ता सेयरमा सर्वसाधारणले आवेदन दिएका छन्।