आज ७६.६४ अंकले बढ्यो नेप्से परिसूचक
आज साताको कारोबारको तेश्रो दिन मंगलबार सेयर बजार हरियाली भएको छ। आज नेप्से परिसूचक ७६.६४ अंकले बढेर २१७७.३४ बिन्दुमा पुगेको छ भने सेन्सेटिभ परिसूचक १२.८५ अङ्कले बढेर ४१५.०१ बिन्दुमा पुगेको छ।
यस्तै नेपाल स्टक एक्सचेञ्ज (नेप्से)मा कूल २६० कम्पनीको ९३ लाख ३३ हजार ७८८ कित्ता सेयर खरिद बिक्री हुँदा ३ अर्ब ३६ करोड रुपैयाँमाथिको सेयर कारोबार भएको छ।
त्यस्तै, १२ करोड ९२ लाखभन्दा बढीको कारोबार भएको एनआईसी एशिया बैंक अग्रिम स्थानमा छ। दोस्रोमा न्याग्दी ग्रुप पावर र अपि पावरको कारोबार भएको छ।
मंगलबारको कारोबारमा १३ वटै उपसूचकमा हरियाली छाएको छ। आजको कारोबारमा बरुण हाइड्रोपावर र खानीखोला हाइड्रोपावरका लगानीकर्ताले अत्याधिक कमाएका छन्। भने, आइसीआफसी फाइनान्स ऋणपत्र र एभरेष्ट बैंक ऋणपत्रका लगानीकर्ताले अत्यधिक गुमाएका छन्।
