एकैदिन १ हजार ४ सयले घट्यो सुनको मूल्य
नेपाल सुनचाँदी व्यवसायी महासंघ आज (शुक्रबार) को लागि सुनचाँदीको मूल्य सार्वजनिक गरेको छ। बिहिबार प्रति तोला १ लाख ७ हजार ५ सय रुपैयाँमा कारोबार भईरहेको छापावाला सुन आज १ हजार ४ सयले घटेर १ लाख ६ हजार १ सय रुपैयाँमा कारोबार भईरहेको छ।
तेजावी सुनको मूल्य तोलाको १ लाख ५ हजार ६ सय रुपैयाँ निर्धारण भएको छ।
त्यस्तै, चाँदीको मूल्य प्रति तोला १ हजार ३ सय ६५ रुपैयाँ कायम भएको छ। चाँदीको मूल्य प्रति तोला ३० रुपैयाँले घटेको हो। बिहिबार चाँदीको मूल्य प्रति तोला १ हजार ३ सय ९५ रुपैयाँमा कारोबार भएको थियो।
महासङ्घले अन्तराष्ट्रिय बजारमा हुने सुन तथा चाँदीको मूल्यका आधारमा दैनिक यहाँ कारोबार मूल्य तोक्दै आएको छ।
