बाँकेमा दादुराका बिरामी बढ्दै
बाँकेमा दादुराका बिरामीहरु बढ्दै गएका छन् । जिल्ला जनस्वास्थ्य कार्यालय बाँकेका अनुसार पछिल्लो समयमा दुई सय नौ बिरामीहरु फेला परेका छन्।
सबैभन्दा धेरै नेपालगञ्जमा एक सय ९१ बिरामी, नरैनापुर गाउँपालिकामा १३, खजुरा गाउँपालिकामा तीन जना र कोहलपुर नगरपालिकामा दुई जनामा दादुराका बिरामीहरु फेला परेका छन् । दादुराबाट एक जनाको मृत्यु भएको र पचास जना निको भइसकेका छन् । दादुराविरुद्धको खोपप्रतिको सचेतना अभावका कारण खोप प्रयोग नगर्दा प्रकोप फैलिएको स्थानीय बताउछन।
नेपालगञ्जका ३१ हजार ४२ जना र खजुराका पाँच हजार नौ सय ७४ जना गरी ३७ हजार १६ बालबालिकालाई दादुरा–रुबेलाविरुद्धको खोप लगाइएको खोप फोकल पर्सन रेश श्रेष्ठले बताए।
